شهادات الحضور
ورشة عمل "قوة الآن" فرقت معايا جدا مكنتش متخيلة ان ٣ أيام ممكن تغير نظرتي لحاجات كتير وتحسسني بأشياء حوليا مكنتش باخد بالي منها وده بنحسه عملي مش مجرد كلام. سمر مجدي
فعلا فرق معايا جدا تسلق الجبال، فرق في خوفي م الاماكن العالية، فرق للتجربة نفسها، فرق ف كسر الحاجز، فرق بفرحتي لمانجحت فعلا، ميرسي للجروب الجميل اللي كان معايا طول الرحلة. ناديا محمد
استفدت من ميسرة كثيرا، تعلمت كيف احب نفسي كيف اتقبلها كما هي واقوم بعمل تغييرات عليها وتغيير ما أحس انه يؤذي نفسي او يعذبها ولكن بالتدريج وبعدم جلد ذاتي، تعلمت كيف اقوم بعمل توازن بين روحي وجسدي وعقلي والربط بينهم والتواصل مع روحي. تعلمت كيف اطور من نفسي واحقق حلمي ببساطة وبكل سهولة بدون جهد وتعب وبالتدريب والاستمرار وملاحظة نفسي. لمياء الشحات
انا اتبسطت جدا في "ورشه قوة الآن". رغم اني وخداها بقالي شهرين بس لسه بطبقها ساعدتني كتير اتخلص او اقلل التوتر واعيش في الحاضر... بالنسبه لي تأمل الصوت كان اكتشاف عجبني جدا مابقتش اضايق من الدوشه زي الاول. رانيا محمد
حضرت ورشة عمل "تحدي التأمل العميق" و استفدت جدا منها و احلى حاجه اسلوب ميسره البسيط. شيماء فتحي
امبارح حضرت مع ميسرة "كلمات مستنيرة" فى اسكندرية و ديه كانت اول مرة احضر اى حاجة و بجد اتبسط جدا و نورت معايا حاجات كتيرة و عايزة اقول ان طريقة العرض كانت مبسطة و مختلفة و فكرة انها فيها تجميع لاكثر من نوع من انواع علوم التنمية الذاتية كانت حلوة اوى. رحاب شيرين
حابب اشكرك جدا على بساطة اسلوبك و عمقه. تجربة فرقت معايا كتير في كل جوانب حياتي و نورتلي حتت كتير مكنتش واخد بالي منها. محمود الباجوري
ميسرة...مش عارفة اشكرك ازاي...ورشة العمل كانت هايلة ومفيدة ومسلية وطلعت حاجات كتير مننا ورتبتلنا حاجات كتير جوانا.....شكرا من كل قلبي. "قوة الآن" محدش يفوتها. مها حسين
ميسرة علمني الطريقة اللي أقدر بيها اوقف تفكيري وقت ما احب، فهمت ان كل حاجة بواجهها في حياتي المادية هي مراية للي جوايا .. كل طاقة بتطلع مني بتتمثل في شئ مادي قصادي او في إنسان، لقيت نفسي بستغنى عن حاجات و معتقدات كنت فاكراها مهمة و هي مش مهمة كفاية ليا على الأقل. آخر نقطة عاوزة اذكرها إن ميسرة بيحاول دايما يخليك متعتمدش حتى عليه او ايفنتاته و ورشه و جلساته الخاصة، شكرا جدا يا ميسرة .. أنا ممتنة جدا لتعبك معايا و صبرك. ياسمين الخولي
حضرت معاك النهاردة جلسة التأمل في كهف الملح....اد ايه ارتحت جدا .....انت هادي وطاقتك حلوة اوي اوي....شكرا بجد من كل قلبي. شيري علي
أكثر انسان علمني قيمة العيش في اللحظة .... تقبل النفس وخلق واقعك داخل مجتمعك ... شكرا ميسرة انا ممتنة. عبير عبد الرازق
حاسّة باختلاف جَميل حاصِل في حياتي مِن وَقت ما بدأت أحضَر معاك، حاجَة كدة شَبه الفَرق بين الموجَة إللي بتاخُدها وإنت على الشَط فتطَوَحك يمين وشمال ونَفس الموجَة لمّا بتاخُدها وإنت خلاص في حُضن البَحر فَتدلَعك.. شُكرًا ليك مَيسرة ولكُل روح جَميلة عِرفتها مِن خلالَك أهدَتني مِساحَة طَيّبة أقدَر أكون فيها أنا زيّ مانا. هاجر محمود
منهج طريق الاستنارة رحلة ممتعة وعميقة لاكتشاف الوعي الحقيقي بداخلنا والاتصال بذاتنا، رحلة النور والسكون، رحلة التخلي للتحلي بنور المصدر الكامن في القلوب. امتنان من القلب لميسرة القلب الجميل المستنير ولروحه النورانية المشعة بالطاقة والحب، ممتن للمشاركة للمرة التانية، ممتن لكل القلوب والأرواح الجميلة التي تجمعت على المحبة. عادل موافي
محطة مهمة في رحلة الوعي، فلسفة العمق والبساطة. محمود عبد الحميد
منهج طريق الاستنارة رحلة ترك وتخلي ... رحلة قيادة النفس بكل سهولة ويسر .. لا توجد كلمات تعبر عن وصف ماتعلمته من كل مره حضرت معك. تغريد كيلاني