السفر والطبيعة

سفر بالنسبة لي يعني طبيعة
أكبر دافع عندي للسفر هو الاتصال بالطبيعة النقية الهادئة والبعد عن ضوضاء وتلوث المدينة
بستغرب من الناس ال بيتعبوا وياخدوا أجازة عشان يسافروا ويروحوا أماكن فيها طبيعة ... وياخدوا معاهم دوشتهم وضوضائهم وموسيقاهم الصاخبة ويرموا زبالتهم ع الشواطئ وفي كل مكان
وبيعملوا كل حاجة ممكنة بشكل لا واعي عشان يحولوا المكان الطبيعي لنسخة أخرى من حياتهم اليومية في المدينة المليئة بالضوضاء والتلوث
طب ما تخليكم في مكانكم يا جماعة وتمارسوا نفس أنشطتكم وتسيبوا الطبيعة في حالها ليه تتبعوا نفسكم؟ 
السفر هو أحد طرق كتير للتطور والاكتشاف والاسترخاء والتأمل والخروج من دايرة الارتياح وإعادة الشحن والتوازن
لو تجربة السفر محققتليش الحاجات دي مش عارف ايه ممكن يكون فايدتها ...