انت هنا ليه؟؟

انت هنا ليه؟؟
ليه في ناس عايشة عندها نار داخلية وشغف مستمر بيحركهم يبدعوا ويشتغلوا ويتعلموا ويعلموا ويلهموا ناس حواليهم ... وناس تانية حاسين إن الحياة ملهاش طعم ومعنى أو مجرد عبء ومسؤوليات لا تنتهي؟!
لأن كل كائن موجود في الأرض عشان له رسالة يقدمها ويعيشها تساهم في رحلة التطور الأزلية ال احنا كلنا جزء منها.
احساسك العام والمشاعر الغالبة عندك معظم الوقت هي مقياس لدرجة انسجامك مع رسالتك؛
لو معظم الأيام بتصحى وانت متحمس وشغوف كأنك طالع رحلة مستنيها ... فانت أكيد عارف رسالتك وعايش منسجم معاها.
أما لو العادي بتاعك انك بتصحى مقريف ومحبط ومخنوق وحاسس إن اليوم الجديد هو عبء جديد عايز تخلص منه أو عايز تنام تاني متصحاش، فاعرف انك عايش بعيد ومنقطع عن رسالتك. ومهما دورت على خروجات أو فسح أو ممتلكات أو علاقات وأشياء خارجية تسعدك ... هتفضل تعبان وتايه وهيفضل في الخلفية إحساس إن في حاجة ناقصة مش مكتملة ومهما حاولت تغلوش ع الاحساس ده هيفضل لازقلك لحد ما تعرف رسالتك وتعيشها!

ازاي أعرف رسالتي؟
سؤال كبير أوي له طرق ووسائل وتجارب كتير، لكن الإجابة ال هبدأ بيها هي شوية أسئلة ممكن تسألها لنفسك: لو عندك اكتفاء مالي مدى حياتك هتقضي يومك ازاي وهتعمل ايه في حياتك؟
ايه الحاجات ال بتحس انك برا الزمن تماما وناسي نفسك وعايش اللحظة بكل جوارحك وانت بتعملها .. دلوقتي أو وانت صغير؟
ايه القيمة أو الصفة المميزة أو الحاجة ال بتتأثر وعينك بتلمع لما تتكلم عنها أو تيجي قدامك سيرتها؟

إجابة الأسئلة دي هتقربك بشكل كبير جدا لرسالتك وترجعك ليها. وحتى لو مش عارف اجاباتها في طرق تانية هنذكرها في المستقبل.

ولأن الموضوع ده كبييييير وتقريبا أهم موضوع في حياتك، هخصص ورشة عمل كاملة ومطولة للإلمام بتفاصيله بشكل نظري وعملي هيبدأ بجروب التليجرام
"Inner Sun"
وهو جروب مجاني مخصص فقط لمناقشة مسألة رسالة حياتك وتفاصيلها.
الإضافة للجروب هتكون مفتوحة لوقت محدود واللينك موجود في تعليقات الفيس بوك ولو على الانستجرام ارسل على الخاص.

أحب أسمع إجاباتكم ومشاركاتكم وتجاربكم 

#inner_sun

Photo by
@ghareebphotography_studio